GOV.PH
Manugod sa anunsyo san aton Gobernador Atty. RICHARD T. KHO, na magkakaigwa san hihimuon na Medical & Surgical Mission sa Probinsya san Masbate, gusto po namon ipaaram na naga tuna na po kita san MEDICAL PRE-SCREENING didi saaton Municipal Health Office didi sa Milagros.
An requirements po na dadarahon is
(1)PHILHEALTH ID NO./ MEMBERS DATA RECORD (MDR),
(2)LABORATORY RESULTS kag dapat
(3) presente an pasyente na mapa Screening para sa pag assess san Doctor.
Adi an lista san mga Laboratory Test na dapat niyo ipa test:
>COMPLETE BLOOD COUNTS
>URINALYSIS
>FASTING BLOOD SUGAR
>ECG
>BLEEDING TIME/BLOOD TYPING (BT)
>CLOTTING TIME (CT)
>PROTHOMBRIN TIME (PT)
>ACTIVATED PARTIAL THOMBROPLASTIN TIME (aPTT)
MGA KADALASANG TANONG:
1. MAY IGWA PO BA DIDA SA CENTER SAN MGA LABORATORYO?
SABAT:
An igwa po kita sugad saaton center na mga laboratory test is CBC, URINALYSIS, BLOOD TYPING, FASTING BLOOD SUGAR.
2. SO DIIN KAMI MAPA LAB TEST SANAN IBA NA LABORATORY NA REQUIREMENTS?
SABAT:
Sa mga PRIVATE HOSPITAL or sa PRIVATE MEDICAL CLINIC o mag testing po sa Masbate Provincial Hospital-OPD Section para maka avail san libre kung igwa.
3. Hasta nano na oras po an Pre-Screening?
SABAT:
An Pre-Screening po maga tuna na alas 8 san aga hasta alas 5 san Hapon.
4. Paano po pag waran PHILHEALTH MDR OR ID CARD?
SABAT:
Kung wara po kamo san hawid na MDR or PHILHEALTH ID pero aram niyo po na may PHILHEALTH kamo, magdara lang po san misken nano na klase san Valid ID parama search po naton sa portal san Philhealth an iyo mga Philhealth Number.
5. Hasta sano ini na Pre-Screening?
SABAT:
Hasta Petsa 20 lang po ini sani na Bulan san January, 2026.
An last picture po, naka indicate po an mga surgery kag iba pa na services didto sa Medical Mission, na pwede niyo ma avail- paki kita nalang po sa comment section para makita niyo kung nano nano po an ibig sabihon sana na mga surgery. Kag para po aware kamo kung sabay po dida an iyo mga gina batyag.
Sundon lang po an mga nakasurat sa taas para po saaton smooth na PRE-SCREENING buwas. Kung may mga hunga pa po, feel free to message our page.
SALAMAT KAG GOD BLESS!
#MilagrosTODAY
Click here: https://www.facebook.com/share/p/1DNiEuccKt/
